أختي الحبيبة سماهر ..

قصتك مؤثرة فعلاً ومعك حق تلومي نفسك ولكن لا تجلديها أبداً قدر الله وما ششاء فعل ..

لعل أن يموت الانسان وهو طفل مريض خير له ألف مرة من أن يحيا بمرض عضال ..

لك كل الحب يا صاحبة أطيب قلب ..

أخباركم وأخبار الجيران في أول شهر من 2008 تجدونها في "جيرانيات بدايةعام 2008" في مدونة جيران:

http://blog.jeeran.com/archive/2008/2/466174.html

يااااااااااااه ..

بداية غاليتي .. ممتنّة لإحدى المدونات التي أرشدتني لساحتك ..

وممتنّة للغتك الفلسطينية التي تذكّرني بأحب الأشخاص لقلبي ...

فأنا شامية .. ولكن دمائي فلسطينيّة ..

وأعشق الحرية .. وأدعو لها .. كما العربية ...

فأنا أيضاً مدرّسة لتلك اللغة ..

أتكلّم العاميّة مع الأقليّة .. والفصحى مع الأكثرية ..

أجمع بينهما أحياناً .... كما الأغلبية ..

قصّتك غاليتي .. لها التأثير الأكبر ..

وعندما جعلتها في الروحانيات .. تأثرتُ أكثر ..

بارك الله لك بك .. وجعلني وإياك وسائر العربيات صوتَ حقٍّ ..

وفخر أمّة ...

أثرتِ انتباهي في تعليقٍ سابقٍ لك .. على سبيلِ النشرة الجويّة ..

ولم أتفاجأ أبداً أن وراء تلك اللهجة المتقنة امرأة فلسطينيّة ..

أحببتُ ما كتبتِ فعلاً .. صياغتك متقنة الجوانب ..

والقارئ على استمتاعٍ كبيرٍ بما جئتِ به ..

ربّي يحميكِ ويقوّيك .. صديقتك نور الشام ..

وهذا تاريخ ميلادي 29-9-1982

سردك رائع يا سماهر

و القصة مؤثرة جدا ..تشبه كل شيء حقيقي في هذا الوطن النازف .

تحية كبيرة يا سماهر

السلام عليكم ورحمة الله وبركاته
الاخت الغالية سماهر
لقد تأثرت كثيرا بلقصة لدرجة اني اكتب وانا امسح دموعي ارجو من الله العلي القدير ان يسكن هدى فسيح جناته ويصبرك وياجرك وهون عليك
تقبلي تحياتي
اختك ام خالد من قطر

أختي الحبيبة سماهر
قصتك تحاكي الالم
المجبول في الوجوه
اينما نظرنا
في هذا الوطن الممتد
داخل الاصوار المعغلقة
تحياتي

الصديقة الغالية جداً اشتياق

من الطبيعي جداً أن يتأثر قلب رقيق كقلبك بقصة مثل قصة هدى .. أردت من هذه القصة أن أفتح مجالاً في العقل والقلب والروح لاستيعاب الآخر المحاصر مثلي ومثلك .. نحن نعيش حياةً محتقنة هنا في غزة تجعلنا نفكر في المحيط الجماعي وليس في الأفراد المحيطين .. نتعامل مع المعاناة الجماعية وننشغل بالهم العام .. لكننا في النهاية نعيش في مجتمع مكون من البشر وهؤلاء البشر بينهم حالات تحتاج إلى الدعم النفسي والمعنوى الفردي .. هدى مجرد حالة حرصت على أن تكون مشكلتها إنسانية بحته ليس لها علاقة بالسياق السياسي .. وفي المقابل هناك مئات الآلاف من الحالات الإنسانية التي تحتاج إلى قلب مفتوح يا اشتياق .. هناك المرضى وهناك أمهات وعائلات الشهداء وهناك أمهات وعائلات الأسرى وهناك الجرحى المصابين بعهات تجعلهم غير قادرين على الاندماج في المجتمع (خاصة من النساء والأطفال) ..

القلب المفتوح يا اشتياق يجب أن يبقى مفتوحاً للجميع كل حسب مقدرته وظروف المحيط الذي يعيش فيه.. لكن إذا جاءت الفرصة لحدنا -- مع من نأمن جانبه -- فلا يجب أن نضيعيها أبداً.. علينا أن لا نغفل إنسانيتنا وسط إنشغالات حياتنا ..

رسالة حب أردت أن أرسلها عبر هذه القصة .. لا أعرف إن كنت قد وُفقت في ذلك ..

يتبع ،،،

وأنا أكتب الآن.. رنت في أذني حكمة اليوم التي يأتيني بها ابني كل يوم من الروضة بصوته الطفولي الرائع:
"الحياة محبة والدين معاملة"
كيف سيفهم ابني وابنك وباقي الأطفال هذه الكلمات إن لم يرنا نطبقها أمامه في تعاملاتنا مع محيطنا ؟؟

ولا شو رأيك يا أم الشوق

حلا ..

يا أحلا من الحلا .. شو هالنشاط والتألق هاد ..

بس أنا بدي أغلس شوي .. رؤى زعلانة إلها فترة بتستناكي وإنت مشغولة عنها شو القصة ما راح نخلص مع جيران إحنا هههههههههههه

الله يعطيكم ألف عافية ما قصرتوا أبداً .. مشكورين على نشاطكم ..

مية هلا بنوارة الشام خانوم

بداية وأنا كمان ممتنة لنفس المدونة إلي دلتك على حكاياتي أنا من زمان بشوف تعليقاتك بس والله إحنا ظروف الكهرباء عنا صعبة يعني يا دوب بنشوف حكايات وكام مدونة للأصدقاء وسلامة تسلمك .. من الجيرانيات الي فاتت وأنا قولت لازم أشوف مدونتك بس ما طلع معي.. يالله المهم إنا التقينا

يا عاشقة الحرية والعربية وذات الدماء الفلسطينية أهلا بك .. حللت أهلاً ونزلت سهلاً ..

ما يجعل القصة في الروحانيات أنها من المفترض أن تجعلنا نطل ولو قليلاً على إنسانيتنا .. لقد تكلمت عن فكرة القصة لاشتياق .. وأظن أن احتقاناً من نوع ما يؤثر على هذا الجانب من حياة الناس في الدول العربية الشقيقة .. لذا فرسالة القصة موجهة للجميع وليس لأهل غزة فقط

إمممممممم لا أذكر تعليق النشرة الجوية .. لكن يبدو الأمر مثير للاهتمام .. أحياناً أكتب تعليقات ساخرة تصدر في شكل لا أتوقعه وأنساها تماماً.. أين قرأت هذا التعليق ؟؟
أنا سعيدة جداً لأن المدونة اعجبتك ولأنك أحببت أسلوب كتابتي ..

تاريخ ميلادك .. فكرتك أكبر من هيك على فكرة أنا كمان مولودة بشهر أيلول بس أنا بأوله قبلك بشي خمس سنين

جو باشا في حكايات ...


شو هالهنا إلي أنا فيه ههههههههه لا وعم تمدح كمان .. لو بعرف إنه حضرتك راح تشرفنا كنت زبطت الكتابة أكتر ..

شكراً على تعليقك اللطيف يا جو .. كلك زوق كما دائماً ..

وتحية أكبر إلك.. على أساس يعني إنه خلصت القهوة بنكرمك بالتحية ههههههههه

الاخت الغالية أم خالد ...

وعليكم السلام ورحمة الله وبركاته

شكله قلبك رهيف متل قلب الغالية اشتياق .. سامحيني إني بكيتك .. هدى بعدها بتدق باب القلب .. إذا كنت حبيتها افتحيه لهدى حواليكي .. وإذا ما قدرتي تفتحيه على الآخر خليه موارب أحياناً بنحتاج إلي يدقوا بابنا متل ما هم محتاجين إلنا ..

روحت مدونتك .. عجيب شو ممكن يصير بهالثانية على قد ما هي صغيرة على قد ما هي خطيرة ههههههههه...

الأخت الغالية سهام ...

داخل الأسوار المغلقة علينا أن نفتح أبواب قلوبنا لبعضنا .. فقط كي نجعل لحياتنا قيمة وحتى لا نشارك في بناء أسوار جديدة نعتقل خلفها إنسانيتنا دون أن نشعر ..

عزيزتي سهام .. سررت بزيارتك الغالية..

أهلاً بك دائماً هنا .. حتى نحمل الألام عن بعضنا..

معاً نشعر أننا أفضل ..

انها وجع لايمكن ان ننساه
شكر لك
كوني بخير

الأخ العزيز حامل المسك ..

منور

نعم هي وجع يجب ألا ننساه وبنفس القدر علينا أن نبحث عنه في الواقع حتى لا يطاردنا في شطحات الروح ...

كن دائماً بخير

أختي الحبيبة سماهر
السلام عليكم و رحمة الله

لا تحتاجين أن أقول لك أن سردك لكل حكاياتك يشدني كثيراً و هذه المرة بالذات قرأت حكايتك و التي أظن يقيناً أنها حقيقية منذ أن نشرت حبيبتي اشتياق تعليقها و لكن الشيء الذي لا تعلمينه هو أن لي قلب مريض أكثر من قلب هدى لا يقدر على مثل هذه الحكايات و قد بكيت معك و الله أعلم ... قلبي مش حساس بل أكثر من " زفت " شرف الله قدرك ...
قلبك كبير يا سماهر و محب و مفتوح دائماً هكذا تقربت منه...
لا تجلدي نفسك كما قالت اشتياق .. قدر الله و ما شاء فعل

أختك سعاد

هلا
=-=-=-=-=-

مدونه غايه بالرووعه

وفيها اجمل المواضيع

=-=-=-=

يسعدني زيارتك لمدونتي ولكم جزيل الشكر

http://alleqaa.jeeran.com/
&
alleqaa84@yahoo.com

كم هي مؤلمة هذه الحكاية ياسماهر
فهي تحمل الكثير من المعاني والدروس
نتعلم منها ان لانستهين باي لحظة
وان نفهم الاخرون جيدا قبل الحكم عليهم
وان لانضيع الفرص فقد ياتي يوم تتعلق بذاكرتنا لحظة لم نقدرها جيدا ويكون الاوان قد فات
شكرا لحكاياتك عزيزتي سماهر

هذا التعليق حاولت كتابته منذ ثلاثة أيام لكن لا أعرف ما الذي يحدث معي في صفحة أضف تعليق أبت ورفضت أضافته ..أن شاء الله اليوم يضاف ..

..............

بدي احكي كلمتين لحضرة الأختين زنكو ورنكو ههههه وهم المحترمتين الرائعتين أشتياق والست سعاد هانم ..( بمزح مش تزعلوا ترى الكل صاير حساس هالأيام )

من المفروض عندما يكتب شخص قصة ان لا يتم اسقاطها عليه نهائيا حتى لو كانت حدثت معه او حدث معه شيء شبيه فيها او حتى تخيلها وأنتجها أو صادها من خلال مراقبته لما يدور حوله أو دمج بين احداث حدثت معه واخرى شاهدها عند الآخرين ..

القصة ستبقى قصة يعرضها كاتبها ليوصل رسالته الخاصة من خلال مشاهداته ..خاصة القصة القصيرة فهي مركزة تهدف الى أثبات رؤية وهدف ما للكاتب وليس لأثبات ذاكرته الخاصة وأموره الشخصية بعكس الرواية المتشعبة التي تتداخل فيها الشخصيات والرؤي المتشابكة في المجتمع ..

عن جد بحكي هههههه

لا يجوز اسقاط احداث القصة على الكاتب مهما كان ..ولكم مني السلام ..مهو يا بتتبعوا الأصول يا بضلني أطلعلكم هههههه

شو ..ما عاد شربتي قهوة بعد هيداك اليوم اللي ردّيتي فيه على تعليقي خزندار باشا؟
أو بخلّي طعمة التحية تحت سناني؟
بما انه ما في طعمة قهوة .
طيب .. تحية متبادلة و كبيرة جدا و مـغلـيـّة على نار هادئة .. حتى تعرفي كيف بيكون طعم التحية و تشعري فيني ..قال تحية بدل القهوة قال .. وين بيصرفوها هيدي ؟بأيّ محمصة ؟

هلأ انا من العصر وانا طالعه من البيت وفجأه من الفجآت رجعت على البيت أوكيه هههههههههههههه

فلقيت أشي أسمه أنك انت ترررلي يا ترررلي ..

أقسم بالله العظيم انك ترررلي ..لأ وقال شو انا معتمده على ذكاء الست أذا انت هيك بتحكي شو بدي اعمل انا.. بدي ألطم الف سنه الا خمسين عاما هههههههه

مش قادره اكتب الحكي غير هون ..بدي العالم يشوفوا الترررلي ههههههههههههههه

يا هبوله ..يا شو ..يالله طاررررررررررر ..طار من زمان والله طار هههههههههههه

بس حبيتك ..

شكرا--يا اختنا الغالية--سماهر---قصة رائعة تسلم الانامل التي كتبتها

أروى هانم
بدي أعرف الأول حتى أرد عليك بإسمي الحقيقي ... انا رنكو و زنكو ههههههههه
ههههههههه
هههههههههههههههههههههه
أوكي يا ست بس والله ما أخبي عنك لما بلاقي تعليق لاستياق من قبلي بتلبك
ههههههههههه
هههههههههه
و بخبص تخبيص عرفت ليه بقول هي بتعرف سماهر و كمان بتزورها ممكن تكوت القصة واقعة فيها الست سماهر لا سمح الله ههههههه
ما عرفت إنها كاتبة قصص خيالية و كيف و هي بتجيب من قلب غزة ؟
المهم زنكو و رنكو رح يستفدو من ها الدرس تبع الحساسية و يخلوا شوية قلوبهم تجمد و تقسى

سلامي لك يا غالية و لسماهر و اشتياق و منى و جو و كل من مر من على ها الصفحة ......

سعاد

أروى يا أروتنا ..

والله انك قد حالك وما انت قليلة ..

أنا ما بأزعل منك حبيبتي شو ما قلتي ..

وكلامك صحيح أكيد .. هذه غلطة مني وتعلمت لغيرها ..

المشكلة أنه أنا من كثر ما انفعلت مع القصة اعتقدت انها حقيقة .. وعلقت على طول بدون تركيز ..

حتى سمور تأثرت من تعليقي وعرفت أنه هذا تأثير المقال عليا ..

خلاص أروى عدي لنا إياها حبيبتي ..

زنكو ورنكو ؟ مين هدول ؟ بتعرفيهم سعاد ؟ ههههههههههه
الله يهده شيطانك يا أروى ..

وانت يا سمورتي ؟ .. وينك حبيبتي ؟.. لغاية هلأ عم بتدوري على قهوة ؟ .. أكيد جو سمع عن قهوة غزة شو طيبة ولذيذة .. معه حق أكيد ..

على فكرة جو .. ألذ قهوة بغزة اسمها بدري وهنية .. لاتفوتك ..

ولو ما لقت سماهر قهوة بتيجي لعندي أحلى قهوة وشغل خاص كمان .. وعلى شرفك كل الحبايب معزومين ..

ربي يسعد قلوبكم ويجمعنا بيكم على الخير دائماً ..

وأنتي سعاد حبيبة قلبي أكيد القلوب عند بعضها وأنا كمان والله بأحبك كثير ويشرفني انك تهتمي بتعليقاتي وكلماتي ..

وصدقيني كل ما أشوف بحر غزة خاصة أتذكرك يا سعاد وأدعي الله أنه يجمعنا بيوم على شاطيء بحر غزة متل ما تخيلنا وتمنينا ..

وبالمناسبة أسجل تحياتي ومحبتي للملكة منى يسعد قلبها دائماً ويكتر عسلاتها يارب ..

يعني أحلى ما في هذا المقال يا سمور أنه جمع كل الحبايب فيه خاصة جو .. تعليقين يا عمي من جو .. بيطلع لك سمور ..

بس حبيبتي وين القهوة ؟ طيب عصير .. أي شي ..

الالم و الوجع بقلوبنا من جوا حتى لو ما حكينا ارواحنا بتحكي و دموعنا بتحكي و آهاتنا بتحكي
لك مني اجمل تحية
هبة

صباح الخير أولا ..

والله والله ثبت بالدليل القاطع أنك رنكو يا سعاد شو ما بتعمل إشتياق بتعملي هههههههههه جبتي لحالك ما الي دخل D: كيفت عليك قال شوفت اشتياق قالت فقلت ..عن جد الجد رنكو

بس كيفت عليك يا اشتياق وانت بتهدي لشيطاني أمانه أمانه طوبه طوبه عشان ينهد على الآخر ..طبعا مو قليلة بس بالسياسة خلص بعتمد على سماهر ومتبنية آراءها كلها حتى لو ترررلّلي ههههههههههه
لا بالسياسة سماهر بتعجبك ..عن جد ..

وعشان ما تزعلي يا ست سعاد شو ما كنت تحضري كرتون وانت صغيرة هدول رسوم متحركة والله وكيلك بتحركوا مع بعض بحكوا مع بعض بشتغلوا مع بعض فريق ثنائي من الآخر ..شايفة مستوى ثقافتي أعلى من ثقافتك ..D:

لو سمحتو القهوة للجميع وقهوتي حلوة ..وما بدي ياها سياسية قال اسمها هنية قال D:

بس على السريع وبرجع بعدين .. أنا كتييييير مبسوطة باللمة والله إنكم عسل كلكم عسل... تسلموا لي وبمناسبة العسل تذكرت منى حبيبة قلبي ..

بالنسبة للقهوة بدي أغيظكم أنا غيرت المزاج هذا الأسبوع وبشرب نسكافيه هههههههههههه

وقال قهوة هنية قال بيني وبينكم زوجي بحبها بس أنا بفضل ديليس شغل مخصوص وبكيف عليها على الريحة مع قطعة كيك شغل إيدي .. إمممممممممم تفضلوا مش بس قهوة مع كيك شوكولا كمان ههههههههههه

راحت عليك يا ملكة هههههههههههه

"بالنسبة للقهوة بدي أغيظكم أنا غيرت المزاج هذا الأسبوع وبشرب نسكافيه هههههههههههه"


ههههههههههههههههه ولك الناس أجوه من الحارة على صوت ضحكتي ..قويه منك ..

أمانه ما حدا ياكل كيك تا ارجع عليّ مشاوير كتيره ..وشوكلاطه كمان ..!!

قال شغل ايدي قال .. يا عمي شو هالغرور D:

عووووووووودة جديدة ..


أرجو أن تكون حميدة ..

أول شي يسلمووووووووووووو على الرد ..

تاني شي .. وينك يا ورد ...

لازم تحاولي تفوتي على المدونة ..

كيف ما بعرف .. بس يلي بعرفو إنو الدم الفلسطيني ما بيستسلم بنوووووووب .....


وإنت منه .. وإلك الفخر بهاد الشي ..

وأنا فيِّ عرووووووووووووق لا تحصى منه ..

وبعتز بهاد الشي ...

أراك بخير ... نوّارة

جربي من هون :
http://sham4me.jeeran.com/profile/

عارفة حالي جيت ع راسي في الفخ يا أروى
ههههههههههههههههههه
كرتووووووووووون ههههههه
و كمان تررررلي هههههههه

يا سماهر أنا عزماكم على شاي مغربي إنما إيه و كعب من يدي كمان هههههههه

بس القهوة و الله بجد أهي أمامي و ما بتخلص السنة كلها ـ بن بقالة الحناوي من بيت عنان ـ ما بستغنى عنها أبداً و بالحبة الخاصة بها هههههههه
اشتياق أهو اليوم عرفتي مين رنكو هههههه
يعني غلبتيني معك و صرت رنكو هههههههه

لمة جميلة و الله خصوصاً محلية بالعسل ... عسل منى و طلب جو ....

سعاد يا عزيزتي ..

قلبك فيه الخير .. معلش أنا آسفة إنه وجعتك بحكايتي لكن أحياناً قلوبنا بتحتاج إلي يذكرها برقتها .. ولا شو رأيك

كتير مبسوطة منك إنت واشتياق لأنكم أخدتوا كلام أروى بهذه الروح المفتوحة والجميلة .. وعلى العموم هي شكلها مش نايمة كويس وطايحة فينا كلنا وعلى أساس إنا صحباتها بنتحملها.. شوي بس لحد ما تصحصح وبعدين بدي همتكم ويا ويلها منا هههههههههههههههه

الأخ alleqaa

أهلاً بك وشكراً على الزيارة

جلالة الملكة منى

تصدقي أول مرة آخد بالي من التعليق .. معلش سامحيني .. ربما ما وصلك تخطى حتى ما أردت أن أقول وهذا يشعرني براحة كبيرة ..

إنت نورتينا وإوعي تفكري لأني ما انتبهتلك يعني ضاع نصيبك بالقهوة والكيكة يعني كل إلا إنت ههههههههههههه

شوفتي ست أروى شو ببتحكي عني قال أنا شو هاي الكلمة الي لهلأ مش عارفة ألفظها هههههههههههه على العموم جياكي يا أروى خانوم ..

يا تيزة أروى هههههههههههه بالزاي ها مش تفكري إني بقصد شي تاني .. إممممم أنا بس بحاول أحفظلك مكانتك الاعتبارية على أساس إنك داعسة بنزين ولا هامك وأكيد راكنة إنا نحن ما بنقدر أبداً نزعل منك والحكي عن الجميع ههههههههههه

طيب هم زينكو ورينكو (أول مرة أعرف إنها بتنكتب بالكاف مش قصتنا يعني) يعني طلع معك إنهم مستوى ذكاءهم أعلى مني بكتير على الأقل من وجهة نظر زينجو ورينجو بإشباع الجيم (جيم مصرية يعني) متذكرة في نهاية كل مصيبة كانوا يعملوها كان يضربوا كف ويقولوا يحي الذكاااااااااااااااء ههههههههههه والله كنت أكيف عليهم .. وبعدين جاية تقولي عني شو هاي الكلمة يقطع شيطانك والله ما جاي معي ههههههههه بس فيها راءات كتير وبتشبه الشحن بطريقة ما.. قدرت يعني أفهم على قدي إنها معناها شي متل -- أغبى ما يمكن -- بجوز تكون معناها متل ما بيقولوا بالعامية الفلسطينية هون -- لصيمة -- يعني بتكون هاي بايعة كل أبراج التفكير ومأجرة الروووف وصايعة بشوارع الغباء هههههههههههههههههه ولك أنا لهالدرجة غبية أول مرة أعرف إني هيك على العموم سبق وقلت لك في أحد الإيميلات إني من الناس إلي بتعز بتياستها لما تيس ما بحب أنكرها ليش يعني؟؟ هلأ بقولك ليش.. على أساس إنها لحظات عزيزة وبتحسسني إني طبيعية نوعاً ما علشان أقدر أتأقلم مع محيطي ههههههه

هلأ بزمتك قديش إلك ما ضحكتي الضحك إلي ضحكتك إياه بهالعملية المتكاملة بين مدونتك ومدونتي والإيميل .. وبمناسبة الإيميل صحيح .. رايحة على الإيميل تخبريني بعد ما صار إلي صار .. بتعرفي عاملة متل الجوز المخالف وعلى رأي المثل "الكف بفضيحة والصلحة على السكيت" ههههههههههه إممممممممممم بصراحة يا جماعة أنا كمان خير اللهم إجعله خير ضحكت زيادة عن اللزوم والله يستر .. منورة يا إم الشوق بكفي وشوشة ها سامعيتكم أنا ههههههههههههههه

بتعرفي أروى إم الشوق أكتر واحدة بتعرف قديش أنا مغرورة .. ويمكن أنا الوحيدة إلي غرورها بشتغل إيجابي والناس بتكيف عليه ليش فكرك ؟؟

بالمناسبة قديش خلصتي من الألف سنة إلا خمسين ههههههههههههههههههههههه يا سعاد بدنا نبدا ندور على عروس لزوجها هههههههههههه لأنه الحالة مطولة ههههههههه

جو باشا

أن قصداً تاركتك ومش ذاكرة تعليقك لهلأ لحتى القهوة عفواً التحية تاخد وقتها على النار الهادية .. بتعرف إنها تحية ما مرت علي بحياتي كلها.. أول مرة أعرف إنه التحية ممكن تكون إلها نكهة

بس على فكرة ما بعرف ليش من امبارح وأنا مش قادرة أشرب قهوة أبداً .. ليش فكرك ؟؟

وشي تاني تحيتك هاي ذكرتني بواحد صاحبنا كانت تعجبه صفحة ويروح يعلق على صفحة تانية .. شو رأيك بحق لي أكون مغرورة شوي صغيرة بس

الأخ / ataalrkabee

شكراً على كلماتك الجميلة .. أهلاً وسهلاً بك في حكايات

أم الشوق ..

بدري وهنية آه ههههههههه شوفتي يا سعاد هذا دليل واضح على محبة إم الشوق لحضرتكم هههههههههه معلش هالمرة سامحينا يا اشتياق .. يعني ديليس والله كتير ممتازة وسعاد ما راح تزعل صح سعاد ...

الأخت المناضلة اشتياق لو سمحت حضري لنا مقال غير شكل علشان نجي نشرب قهوة بدري وهنية عند سيادتكم والأصدقاء يحكموا بعدين أي قهوة أطيب هههههههههه بس المشكلة إنه ضيف الشرف يحضر وإلا راح أعتبر نفسي أنا ضيفة الشرف على أساس إني أصغركم سناً هههههههههه

يا الله ما أحلاكي يا اشتياق بس وينك إوعي تكوني حاطة عينك على العسلات إلي مخبياهم منى هدول إلي وبعدين بقولك ليش يعني هالتفرقة العنصرية ههههههههه

يقطع شرك أو يهد شيطانك على رأي أشتياق ..

قسما بالله ضحكت ضحك الصراحه روحي انغري بحالك قد ما بدك ردود من الاخر كلها ذكامش طبيعي وخفة روح ومش مخليه اشي الا لقطيته ..

بس فيش احلى من النسكافية ..الزلمه عم بغلي القهوة على نار هادية رايح جايه يتفقدها ..وأشتياق عرضت أنواع سياسية خطيرة بدها تلبسنا التهمة ..وانا بدي اياها حلوة من باب برادة الوجه يعني ..وبالاخر بتقولك معلش انا هادا الاسبوع غيرت مزاجي وبشرب نسكافيه ههههههههههههههه

يا بنت الحلال امبارح طلعت من البيت كل ما اتذكر النسكافيه وانا لحالي بالسيارة بحشش ضحك حتى لو كنت بسمع غنية عزت نفسي لصابر الرباعي ..

بعدين طول عمري بكره كلمة غبية وفي كلمة تانيه بكرهها كمان والله جد بحكي هدول الكلمتين بموت منهم الأولى زي ما قلنا غبية والتانية مغترب ههههه

فلذلك ترررررلّلي ورح اكتبلك ياها بالحركات ..

تِر ِر ِِ رِ ِ وكمان ري اذا بدك قد ما بدك مكسورات وبعدين آخر راء يالفتحه بعدين ل ّبالشدة وبعدين لي ههههههه

عرفت تقرأيها بس والله لا تعني غبية تعني مجنونه وبتحطي ايدك عند راسك وبتفتليها .. هههههههه

وبما اني مشكلجيه ومن مشجعين فريق أبو تريكة الي حضرتك منه وفيه وحضرت متش أمبارح في مقالك "ماذا يحدث في غزة "..
أسجل أنسطالي واعجابي الشديد في كل الأهداف الي سجلتيها من وجهة نظري كجمهور متفرج ..

ضلت شغله أخيرة شو كنت بدي احكي يا ربي نسيت ..

آه المثل " الكف بفضيحة والصلحة على السكيت " حبيته كتير ههههههههههه

مهو ..مش عارف مهو شو ...

خلص بزهق انا بسرعه وبدي اروح واعمل تحديث للعالم انه هادا معناه هيك وهاد معناه هيك حكيت بالتعليقات ..هههههههههه..
وكان وراي ردود ليوم الردود اليوم خلصت السواد الأعظم منهم يالله خليني اروح اطبخ ..

يا هبة باشا ..

مو بخاطرك شكلي راح أطرق أبوابك قريباً لكن ليس بالضرورة أن أدخل وليس بالضرورة أن تفتحي الباب فأحياناً تجد الأرواح طريقها بطريقتها ..

إنت وين كنت مخباية

يقطع شرك أو يهد شيطانك على رأي أشتياق ..وانا بزيد طوبه طوبه ..

قسما بالله ضحكت ضحك الصراحه روحي انغري بحالك قد ما بدك ردود من الاخر كلها ذكامش طبيعي وخفة روح ومش مخليه اشي الا لقطيته ..

بس فيش احلى من النسكافية ..الزلمه عم بغلي القهوة على نار هادية رايح جايه يتفقدها ..وأشتياق عرضت أنواع سياسية خطيرة بدها تلبسنا التهمة ..وانا بدي اياها حلوة من باب برادة الوجه يعني ..وبالاخر بتقولك معلش انا هادا الاسبوع غيرت مزاجي وبشرب نسكافيه ههههههههههههههه

يا بنت الحلال امبارح طلعت من البيت كل ما اتذكر النسكافيه وانا لحالي بالسيارة بحشش ضحك حتى لو كنت بسمع غنية عزت نفسي لصابر الرباعي ..

بعدين طول عمري بكره كلمة غبية وفي كلمة تانيه بكرهها كمان والله جد بحكي هدول الكلمتين بموت منهم الأولى زي ما قلنا غبية والتانية مغترب ههههه

فلذلك ترررررلّلي ورح اكتبلك ياها بالحركات ..

تِر ِر ِِ رِ ِ وكمان ري اذا بدك قد ما بدك مكسورات وبعدين آخر راء يالفتحه بعدين ل ّبالشدة وبعدين لي ههههههه

عرفت تقرأيها بس والله لا تعني غبية تعني مجنونه وبتحطي ايدك عند راسك وبتفتليها .. هههههههه

وبما اني مشكلجيه ومن مشجعين فريق أبو تريكة الي حضرتك منه وفيه وحضرت متش أمبارح في مقالك "ماذا يحدث في غزة "..
أسجل أنسطالي واعجابي الشديد في كل الأهداف الي سجلتيها من وجهة نظري كجمهور متفرج ..

ضلت شغله أخيرة شو كنت بدي احكي يا ربي نسيت ..

آه المثل " الكف بفضيحة والصلحة على السكيت " حبيته كتير ههههههههههه

مهو ..مش عارف مهو شو ...

خلص بزهق انا بسرعه وبدي اروح واعمل تحديث للعالم انه هادا معناه هيك وهاد معناه هيك حكيت بالتعليقات ..هههههههههه..
وكان وراي ردود ليوم الردود اليوم خلصت السواد الأعظم منهم يالله خليني اروح اطبخ ..

أروى !!!!!

إنت من وين طلعتي يا ترررلي إنت ههههههههههههههاهاي (إنتهت الضحكة هون ) علشان تعرفي قديش الكلمة أعجبتني يعني ألف ألف وبالآخر يطلع قصدك مجنونة إيه والله مغتربة (بتاء التأنيث) أرحم قال مجنونة قال .. أصلاً إذا ضليت وراكي أكيد راح ينقلوني لمكان قريب كمان كام يوم هههههههههه وأكيد راح يجوزوا جوزي بس ساعتها الله يستر ما تتعرف الجديدة عليك ههههههههههههههه

أروى بيني وبينك أنا مش كتير مبسوطة من إلي بالي بالك لأني أحياناً لما برجع أعيد اللقطة بحس إني كإني يعني كنت بلعب باراة الوقت الضايع وكل الأهداف طلعت على الفاضي .. مش لشي بس لأنه أحياناً بتاخدنا الحماسة (مش الحماس ها أحسن بعدين نبتلي) وبننسى إنه المباراة خلصت على بكير والجمهور روح وصار لازم نريح راسنا شوي لأنه في ناس عم تحضر متش إعتزال لكل الفرق .. و

يا حسرتي ما راح يفوز حدا .......
.....
....
...
..
.

معلمة العربي الحلوة نوارة الشام ..

يا ستي زرنا المدونة .. وتقريباً أقنعتيني إنه الحياة حلوة إلى أن عدت من الزيارة لأجدها كمان حلوة بس على طريقة غزة هههههههههه

نورتينا يا نور

سعاد يا سعاد ..

ما راح أتأخر إوعوا تبدوا الحفلة من غيري .. لو سمحتي بدي كعب الغزال يكون من هداك المزخرف ما بعرف كيف .. ويا رب يطلع طعمه متل شكله ههههههههه

الأصدقاء الأعزاء أمثالكم دائماً يسعد بهم قلب حكايات المفتوح ..

يا عسل إنتوا

صديقتي:
قصة جدا..لا اعرف بماذا اصفها.. فهي حزينه بقدر ما عباراتها جميله ومؤثرة..
لا املك سوى ان ارسل لك تحياتي معطرة بالفل والورد والريحان والياسمين..
نور

غاليتي سماهر
ما اجمل ما قرات لك
قصه معبره وفيها عبره
تنم عن قلب طيب
وانسانه رائعه
تمنياتي لك بالتوفيق
ماما نرجس

لا أملُّ زيارتك يا تؤبريني ..

هي باللهجة الشامية .. بس والله الحال صاير شي بيهوّي .. والله يعين العالم .. كل واحد عم يغنّي على ليلو ..

والأحلى الشي إنو مطلوب منك تبتسمي .. ولأ تبتسمي منيح .. يعني تكون ابتسامتك آخدة راحتها ..


والله الواحد شو بده يقول بس .. آل شو شر البليّة ما يُضحك .. وإذا جن ربعك جن معهن ..

وعلى قولة القايلين .. كلّن عشر طعشر سنة وبيمضو .. بالزّايدة بالنّاقصة .. بدهن يخلصو ..

بس وينك .. بعد ما خلّص هلكم شغلة يلي بإيدي عازمتك إنت والحبايب على محاشي وفتة مغدوس يمي يمي شي ناهي ..

ولذيذ .. مرررررررررررررره

ادعيلي حبّابة .. ويلّى بشوف وشك بخير ..
وسلماتي لنور كلمات خاصة .. لأنها مبدعة بحق ..

وياريت نلتقي ولو صدفة شي يوم على الماسنجر .. شي ساعة بشي عالم ..

هههههههههههههههههههه

نوّارة ... والحياة حلوة .. بس .......

يلّى .. خليها ملء فراغات أحسن ..

على فكرة حبّابة إذا كنت فاضية ورايقة وماعندك شي ..فوتي على الموقع هاد وحلّي السؤال الموجود فيه ..

بس بدون غش .. من شان تاخدي فل مارك ..

أوكي :

www.arabic1lan.jeeran.com
يلى باااااااااااااااااي ...

نوّارة ..

كثير من يكتبون ولكن قليلا منهم من يدخلون للقلب بكتابتهم من غير أستئذان , سيدتي الكريمه أنتي من هؤلاء القلائل , سلمت تلك الأنامل التي تخط مشاعر فتحولها لحروف تهز المشاعر